అష్టమి రోహిణి ప్రొద్దున

అష్టమి రోహిణి ప్రొద్దున నష్టమ గర్భమునఁ బుట్టి యా దేవకికిన్ దుష్టునిఁగంసు వధింపవె సృష్టి ప్రతిపాలనంబు సేయఁగ కృష్ణా! కృష్ణుడు రోహిణీ నక్షత్రం,అష్టమి తిథిలో పుట్టాడు.అందుకే మనం కృష్ణాష్టమి పండుగ చేసుకుంటాము ఆయన పుట్టిన రోజున.ఆయన దేవకీ గర్భంలో ఎనిమిదో సంతానంగా పుట్టాడు.చిన్న వయసులోనే దుష్టుడు అయిన తన మేనమామ,కంసుని వధించాడు.ఇది కక్షసాథింపు చర్యగా చెయ్యలేదు.లోక కల్యాణం కోసమే చేసాడు.ఈ సృష్టిని రక్షించే దాని కోసం చేసాడు.