అల్ల జగన్నాథుకు రే

అల్ల జగన్నాథుకు రే పల్లియ క్రీడార్థ మయ్యెఁ బరమాత్మునకున్ గొల్లసతి యా యశోదయుఁ దల్లియునై చన్నుఁ గుడిపిఁ దనరగ కృష్ణా! కృష్ణుడు లోకాలన్నిటినీ పాలించే జగన్నాథుడు.అతనికి చిన్న వయసులో ఆడుకునేదానికి రేపల్లె క్రీడా స్థలం అయింది.యశోద కృష్ణుడిని పెంచిన తల్లి,ప్రేమ పంచిన తల్లి.ఆమె ఒక సామాన్యమయిన గొల్ల వనిత.ఆమెకు భగవంతుడికి చనుబాలు ఇచ్చే అదృష్టం దక్కింది.ఆ భగవంతుడు లీలా వినోదుడు కాబట్టే ఇవన్నీ అవలీలగా జరిగిపోయాయి.

Comments

Post a Comment

Popular posts from this blog

నీవే తల్లివి దండ్రివి

నీవే తల్లివి దండ్రివి నీవే నా తోడు నీడ నీవే సఖుఁడౌ నీవే గురుఁడవు దైవము నీవే నా పతియు గతియు నిజముగ కృష్ణా! హే కృష్ణా!నీవే నాకు తల్లివి,తండ్రివి.నీవే నాకు తోడు నీడ ఇచ్చేవాడివి.నాకు మంచి స్నేహితుడివి కూడా నువ్వే.నాకు సకలమూ నేర్పించే గురువు కూడా నువ్వే.అన్నిటికన్నా ముఖ్యమయిన నా దేవుడివి కూడా నువ్వే.నువ్వే నాకు పతివి.నాకు మోక్షం చూపించే గతివి కూడా నువ్వే.నేను ఇవన్నీ ఊరికే ముఖస్తుతికి చెప్పడం లేదు.ముమ్మాటికీ నూటికి నూరుపాళ్ళు నిజం.మన తల్లి దండ్రులు ఎంత ఆపేక్షగా,ముద్దుగా మురిపెంగా చూసుకుంటారో,అలానే పరమాత్మ మన ఆలన పాలన చూస్తాడు.
Read more

శ్రీ రుక్మిణీశ!కేశవ!

శ్రీరుక్మిణీశ!కేశవ! నారద సంగీతలోల!నగధర శౌరీ! ద్వారకనిలయ!జనార్దన! కారుణ్యముతోడ మమ్ముఁ గావుము కృష్ణా! కృష్ణా!నీవు రుక్మిణీపతివి.కేశవుడవు.ద్వారకలో నివసించేవాడివి.జనార్దనుడివి.ఆదిశేషువు పైన పవళించేవాడివి.కాళింది మడుగులో అయిదు తలల శేషువు పైన నాట్యమాడిన శూరుడివి.నారదుని సంగీతానికి మోహితుడైనవాడివి.కరుణతో మమ్మల్ని కాపాడు తండ్రీ!
Read more

పదునాలుగు భువనంబులు

పదునాలుగు భువనంబులు కుదురుగ నీ కుక్షి నిల్పుకొని నేర్పరివై విదితంబుగ నా దేవకి యుదరములో నెట్టు లొదిగి యుంటివి కృష్ణా! కవి కృష్ణుడిని చూసి ఆశ్చర్య పోతున్నాడు.ఎందుకంటే ఇందుకే.ఆయనే ఒక పరబ్రహ్మ అయి పదునాలుగు భువనభాండాలను తన కడుపులో దాచుకున్నాడు.అట్లాంటి ఆయన దేవకి అయిన తన తల్లి,ఒక సామాన్యమయిన మహిళ, ఉదరంలో ఎలా ఒదిగి వుండగలిగాడు అనేదే విడ్డూరమయిన,ఆశ్చర్యం కలిగించే విషయం.
Read more